Docras Mchaki
Rais wa Ufaransa, Emmanuel Macron, amemteua Michel Barnier, aliyekuwa mjumbe wa mazungumzo ya Brexit wa Umoja wa Ulaya, kama waziri mkuu wake mpya Alhamisi (Septemba 5), baada ya wiki kadhaa za mazungumzo yaliyorefuka kufuatia uchaguzi wa ghafla usio na mshindi wa wazi.
Barnier, mwenye umri wa miaka 73, aliongoza mazungumzo ya Umoja wa Ulaya na Uingereza kuhusu kujiondoa kwake kwenye umoja huo kutoka 2016 hadi 2021. Kabla ya hapo, mwanasiasa huyu wa kihafidhina alishika nyadhifa mbalimbali katika serikali za Ufaransa na pia alikuwa Kamishna wa Umoja wa Ulaya.
Barnier ni mwanasiasa wa msimamo wa wastani, lakini alikaza msimamo wake kwa kiasi kikubwa wakati wa jitihada zake za kugombea urais kupitia chama chake cha kihafidhina mwaka 2021, akisema kuwa uhamiaji ulikuwa umedhibitiwa vibaya – maoni yanayoshabihiana na ya RN.
Uamuzi wa Macron wa kuitisha uchaguzi wa haraka wa bunge mwezi Juni haukufanikiwa, ambapo muungano wake wa wastani ulipoteza viti kadhaa na hakuna chama kilichopata wingi kamili wa viti.
Hata kama mkwamo wa kisiasa utaendelea licha ya uteuzi wa serikali mpya, Macron hataweza kuitisha uchaguzi mwingine wa haraka hadi Julai mwaka ujao.
Isack Dickson
