Isack Dickson
Simanjiro, Manyara – Wakazi wa Langai wapo katika hali ya wasiwasi kutokana na kusimama kwa ujenzi wa daraja ambalo lilitarajiwa kuwa kiunganishi muhimu cha usafiri na usalama wa wakazi wa eneo hilo. Mwananchi mmoja ameibua hofu kubwa baada ya mtu kusombwa na maji kwenye daraja hilo, ambalo ujenzi wake haujakamilika.
Changamoto Zinazoendelea
Daraja hilo lilianza kujengwa kwa nia ya kuboresha miundombinu ya eneo hilo, lakini kwa mujibu wa wakazi wa Langai, mkandarasi aliyekuwa akihusika na ujenzi amesimama kazi bila kutoa maelezo yoyote. Hali hii imeacha daraja likiwa nusu ujenzi. Picha zilizopigwa eneo hilo zinaonyesha uharibifu wa udongo na uwezekano mkubwa wa athari zaidi kwa jamii, hasa msimu wa mvua unapoongezeka.
Maoni ya Wananchi
Mwananchi mmoja, ambaye sauti yake imerekodiwa kutoka katika Group la Whatsapp, ameeleza kwamba serikali inapaswa kuchukua hatua haraka ili kuhakikisha ujenzi wa daraja hilo unakamilika. “Daraja hili ni muhimu sana kwa sisi wakazi wa Langai. Kukwama kwa ujenzi wake sio tu kwamba linatuathiri kiuchumi, lakini pia linahatarisha maisha yetu,” alisema.
